Неопходна е висечка предупредувачка табла на патот Велес-Скопје
Предлог и идеја за висечката предупредувачка табла на патот Велес-Скопје (Click to enlarge)
Тунелот што се наоѓа на автопатот помеѓу Велес и Скопје повторно одзема уште еден човечки живот, за жал последната жртва беше мој пријател. Несреќата се случила во вечерните часови во средата навечер , минатата недела на 300 метри пред влезот на тунелот. Точните причини за трагичната сообраќајка не ги знам, но знам дека токму оваа делница, конкретно на 2 километри југоисточно од тунелот па се до раскрсницата за Катлановска бања последниве години одзема поголем број на човечки животи, пред се’поради невнимание и неприлагодување на брзината од страна на возачите. Доколку се анализираат трагичните сообраќајни несреќи, освен човечкиот фактор, втора голема причина е конфигурацијата на самиот автопат.Точно на 2 километри пред тунелот постои кривина на десно и која наеднаш започнува со голема надолница. Наместо возачите да ја намалат брзината по некоја инерција сите забрзуваат што за брзо време се доаѓа во тунелот. Тунелот е посебна приказна за себе. Пред се’, осветлувањето во внатрешниот протстор на тунелот е катастрофално. При влегување на дневна светлина со голема брзина во него, доаѓа до моментално слепило од 2-3 секунди што можат да бидат кобни за секој возач, фосфорните т.н.мачкини очи се толку слаби што во моментот на возење не може да се направи добра контрола за бочните ѕидови на тунелот. Најголем проблем на овој тунел е што е изграден на надолница и при поголема брзина брзина се добива чувтсво на возење во “црна дупка“, односно феноменот на “вселенска правосмукалка“ која ништо не пропушта. За возачи кој недоволно го знаат овој тунел и при излегувањето од него продолжуваат со голема брзина , незнаејќи дека на само 300 метри од тунелот е опасна кривина на десно,за да после помалку од километар се дојде со голема брзина на левата кривина од мостот над Пчиња кај Катланово, кој мост е исто така кобен за многу сообраќајни несреќи со човечки жртви.Последна таква трагична несре4ќа беше некаде во април месец, кога една битолска фамилија трагично ги загуби живототе поради неприлагодување на брзината.
Дали во ЈП Македонијапат во соработка со МВР размисливале и ги анализирале причините сите овие несреќи, како главни носители за одржување и безбедност на овој автопат. Барем до денес ништо немаат направено. Прво што треба да се направи, на десната кривина, 2 км пред тунелот каде што започнува големата и неприметна надолница да се постави челичен статив на кој ќе биде видно поставена голема табла со предупредување на “црна точка“ во должина од 4 км, а под предупредувањето знаци за црна точка, тунел и ограничена брзина од 60 км. На најдолниот дел да се постави жолт трепкачки семафор со кој уште повеќе ќе ги предупредува возачите за опасната зона на возење. Истиот ваков статив со истата табла да се постави 300-400 метара кон тунелот како и вертикално поставени знаци како подобро би се воочила опасноста на овој дел од автопатот. Истите знаци без знакот за тунел да бидат поставени после тунелот, со предупредување на лева и десна кривина како и ограничена брзина на 60 км.
Дооколку и на ваква предупредувачка табла и вертикално поставените знаци возачите и понатаму продолжат да возат со големи брзини, непочитувајќи ги овие знаци тогаш слободно можат при приближување кон тунелот да си ја запеат Stairway to heaven.
Share this article
Калишкиот манастир кај Струга (photo gallery)
Калишкиот Манастир е Македонски Хиландар. Хиландар е изграден на Света Гора на Полуостровот Халкидики опкружен со морската шир на Егејското море, а нашиот Калишки Манастир изграден во XIV век покрај природните убавини на западниот дел од Охридското Езеро. Се претпоставува дека и овој Манастир изграден во XIV век бил подигнат над простор од претходно изграден храм. Калишкиот манастир или целиот манастирски комплекс Рожденство на Пресвета Богородица го сочинуваат една пештерска црква посветена на Св. Атанасиј и една нова црква посветена на Рожденство на Пресвета Богородица. Во самиот комплекс на манастирот постои и чинар кој е стар повеќе од шестогодини и што со својот богат декор само уште повеќе ја разубавува таа природна убавина околу и во манастирот. Инаку за пештерската црква Св. Атанасиј по зборовите на монасите од овој Манастир е изградена на самиот извор од кој се смета за света вода. До 2007 година постоел како женски манастир за да истата година прејде во машки манастир.
Манастирскиот комплекс во својата историја на постоење претрпел многу пати оштетувања и возобнувања. Последните и сегашни контури на манастирот датираат од 16-ти Јуни 1977 година со благослов на обновителот на Охридската Архиепископија, Архиепископот Охридски Македонски Господин Господин Доситеј кога беа удрени темелите на новата манастисрка црква Рожденство на Пресвета Богородица, за да на 10ти Август, 2003 година биде компкетно направена и осветена од Архиепископот Охридски Македонски Господин Господин Стефан. Покрај овој манастирски комплекс во 1974 година е изграден и хотелот БИСЕР уште тогаш беше врвно архитектонско дело кое се разликуваше од шаблонските хотелски изгледи, хотел кој со својот надворешен изглед е најблиску до старата и традиционална македонска архитектура. Денес истиот хотелски комплекс БИСЕР е во сопственост на МПЦ.
Подолу видете една поголема фотогалерија што вчера ја направив и каде службената работа ја споив со мојата се’ поголема пасија кон аматерска дигитална фотографијаод. Во оваа фотогалерија ќе најдете мотиви од овој наш Македонски бисер како и дел од неговата поблиска околина, Глобочкото акумулационо езеро кај Ташмаруниште и дел од кејот на реката Црн Дрим во Струга.
snapped shots with: Canon PowerShot SX100 IS
Click to enlarge (to 640px x 480px)
Photo courtesy of zoriv
Technorati tags:Калишкиот Манастир Struga zoriv
Share this article
Тhis Wоrld Tоdаy Is А Меss
Го немам тоа право а пред се од морални причини да ставам нечии туѓи слики (profile photo) од разни сурати oд FB и да се види колку е целиов свет забеган, и тоа богами добро забеган. Да нема никаква забуна, не зборувам за македонски FB-овци, туку за луѓе малку подалеку од нас и географски и демократски, односно тие што денес не’ учат што е демократија, човекови права и разни ми ти слични работи.
Видов еден како Робинзон Крусо со копје в рака, средновечна госпожа ( што би рекол PIncher Barnet) потпрена на огледало големо колку неа и така со некој сериозен и заводнички поглед на неа, облечена во бермуди а бут на неа богами како еден мој еденипол бут, друга пак на едно 60-ина и плус три-четири, легната во џакузи и со доста провокативен прслук на неа, друг па еден исто така постар сурат сликан во купатило во капачки гаќи и со туш во рака и така позира као изненадно го кадросале, друг пак сликан во затемната работна соба како онаа сликана на Лав Толстој ако ви текнува, само за разлика што овој FB-овецов по суратот што му го гледав не ветуваше така многу дека ги има тие предиспозиции за да биде така замислен, па на сето тоа и нешто паметно да пишува…..
Доволно е да погледнете еден utube видео клип кав paradoxes и тогаш се’ ќе ви стане јасно. Мене пак тој видеоклип сосема ме збуни, па затоа и оставив ваков коментар: “Да не ја знаеме која и што е Америка (САД) гледајќи го видео клипов можеме да заклучиме дека е тоа безнадежна држава на неизлечиви ретарди и дебили“. Ова го пишувам за до го поврзам со поентава на постов.
Се прашувам дали сите овие луѓе од модернава западна цивилазиција го поминале степенот на нормален човек,па поминале во повисок стадиум на некое однесување, што би рекле ние сериознао забегано однесување. Дали ние кога ќе влеземе во ЕУ за едно дестина години, па после плус уште едно десетина години додека го прифатиме сите тие нивни норми на ново цивилизациско однесување ќе почнеме дури тогаш да публикуваме слики како гореневедените примери, или ќе си останеме и тогаш вака традиционално воспитани со манири на нромално однесување, ако тоа е веќе нормално за тие што не учат за добро однесување, демократија и сите други придобивки од модерната им западна цивилизација.
Share this article
Нello Lituania and wait for us, we surely come
Литванија чекај ги идната година нашите кошаркари и уште сега организаторите нека ги одредат најдобрите хостеси за Македонската репрезентација на првенството, бидејќи TИЕ навистина тоа го залужија.
Македонија оди понатаму
Technorati tags: Macedonia EuroBasket 2011, Lituania Macedonian basketball team zoriv
Share this article
Oвулација, пардон рееваулација
“….Реевалуација ќе претрпат и учебниците за средно образование. грешки има и во тие учебници… (А1 ТВ)
Знае ли некој да ми одговори, од кога во македонскиот речник постои зборот рееваулација. Не дај боже некои од македонскиве новинари да се збуни, па додека точно го прочита новиот македонски збор, наместо рееваулација пред камерите направи гаф и му се испушти овулација.
Зар немавме ние во македонскиот јазик убав и изворен збор преоценување, или ова вака во тренд за побрз влез во ЕУ. Што е најважно нема шанси да го замениме со некој друг збор па да се пардонираме непотребно во секојдневниот разговор.
Теchnorati tags: Реевалуација zoriv
Share this article
zoriv